Pulitika iz ženskega kantuna

Kad van se nudu dva farabuta ka ča su Milanović i Karamarko ondac nimate ča birat. Jednemu se pričinjadu crjeni vrazi i voza se u mercedesu svoje drage – danas se to ka kaže “partnerice” da se ne bi reklo mantenute, vanka zakonitega matrimonija, a ovega drugega vozadu unaokolo. Ovi prvi kako je ono reka: ne dili radna mista! I bi je u pravu. Za onega drugega ne znan, pa kako je sve krenilo doznat ću kad druge godine dojde na vlast. Ako dojde, ako se ne doveze sa mercedeson svoje ka partnerice. Ma ča mu je lipa ta partnerica. Onako na prvu pari se puno lijpja o njega. Ma di ga je našla? Oli kako mi žene pitamo: Ča vidi u njemu? Nisan pametna. I ni me ni briga. Znan samo da žena o Milanovića drži svojega čovika na djetu. Ona je dotoreša koja se tendi u zdravje oni ča jidu preveč. To san doznala iz oni ženski časopisi. Inšoma: nimamo baš nikega izbora. Ni ni čudo da su ženske počela spavat s drugin ženskami kad je pravi muškardini sve manje. A ako i’ i jema, nisu političari vengo su pederi. A oni spiju jedni s drugiman. Neće proć puno vrimena i nacija će izumrit. Jedni će ić u političare, drugi u pedere, pa ondac u lezbače a onda ne vidim ko će ostat za pravit dicu? I ko će i’ posli ranit kad Milanović ne dili radna mista! Taj ti posal radi onaj treći farabut koji se zove Orsat Miljanić. On to radi s nogu na nikin sajmoviman, dili svoje brojeve mobitela i na nikin derneciman raspisuje natječaje za gnjavatore, kako to kaže oni farabut Milanović. To su momci a ne alkari! Svo troje propjo dike naše. Za blokat! Žensko se odrekne kuvače i viklera na glavi, buta traveršu i zaudobi dicu i orgazam kad vidi koji su to frajeri/farabuti okolo nje…Ma basta već o temu! Jerbo žena triba mučat i trpit i čekat doma u kantunu kad joj oni njezin dovede merđo i parkira ga u garažu. Asti miša! A zaklela san se da neće pulitika u moju butigu. Morda neće pulitika – al oće merđo!

Vaša profešurica, Dunja Jutronić

P.S.

Dok smo nas dvi tako ćakulale, mislin urednica portala ZMUSK i naša suradnica, profešurica Jutronić o ovin tekstu za napisat, Karamarko se i oženija! Asti pet! Pa vi sve osim merđe uzmite s režervu. Vaša urednica portala ZMUSK, po djevojačku Igrec. I neka tako i ostane!

Riči

al – ali

asti miša! (uzvik) – koje čudo!

basta – dosta

blokat – poludjeti do smijeha

butat – baciti

crjen – crven

djeta – dijeta

dojt – doći

dotoreša – doktorica

farabut – frajer (ali i prevarant)

i’ – ih

jemat – imati

jist – jesti

kantun – ugao

kuvača – kuhača

lezbača – lezbijka

mantenuta – izdržavana ljubavnica

matrimonij – brak

muškardin – muškarac

niki – neki

o – od

oće – hoće

ondac – onda

preveč – previše

propjo – upravo, tako

pulitika – politika

ranit – hraniti

spit – spavati

tendit se – razumjeti se

traverša – pregača

unaokolo – okolo

vengo – nego

vikler – uvijač

vrazi – vragovi

zaudobit – zaboraviti

Oglasi

Komentiraj

Popunite niže tražene podatke ili kliknite na neku od ikona za prijavu:

WordPress.com Logo

Ovaj komentar pišete koristeći vaš WordPress.com račun. Odjava / Izmijeni )

Twitter picture

Ovaj komentar pišete koristeći vaš Twitter račun. Odjava / Izmijeni )

Facebook slika

Ovaj komentar pišete koristeći vaš Facebook račun. Odjava / Izmijeni )

Google+ photo

Ovaj komentar pišete koristeći vaš Google+ račun. Odjava / Izmijeni )

Spajanje na %s